Proprietà mecaniche: par via deła so strutura de fibre uniforme e de ła so alta forsa de legame inter-fibre, el MDF el ga na resistensa ała flesion statica, na resistensa ała trasion piana e un moduło de elasticità mèjo rispeto ała carteła. El ga anca na potensa de tegnùa dełe vite, assorbimento de umidità, assorbimento de aqua e na vełocità de gonfior del spessore pì basa.
Proprietà decorative: el MDF el ga na superfisie liscia e piana, che ła juta ła incołasion de impiallacciatura e carta sotiłe, e el xe façiłe da piturar, e el fa risparmiar pitura.
Propietà de elaborasion: el MDF el pol esar prodoto in spesor da pochi miłimetri a dexene de miłimetri, sostituendo panèi de legno e legno de qualsiasi spesor. El ga na bona abiłità de łavorasion, e ła permete de segar, forare, scanałar, s-ciopar, levigar e intajàr. I bordi i pol esar lavorài in qualsiasi forma, co na superfisie liscia.
Par via deła so prestasion superiore e deła so eficacia inte l’utiłixo conpleto e rasionałe del legno, el MDF el xe uno dei prodoti pì prometenti pa el sviłupo.